Ideologjitë, narrativat dhe mobilizimet anti-gjinore.
Diskutimi i pestë publik në Prizren, i organizuar nga Sbunker në bashkëpunim me organizatën Radio Romano Avazo në kinemanë Lumbardhi, u fokusua në temën “Ideologjitë, narrativat dhe mobilizimet anti-gjinore”. Diskutimi solli një debat të thellë mbi narrativat antigjinore që ekstremizmi i djathtë përpiqet t’i imponojë shoqërisë, duke promovuar narrativa kundër të drejtave të grave, komunitetit LGBTIQ+, pakicave etnike dhe kulturore, gjithmonë nën mbrojtjen e konceptit të familja tradicionale.
Në këtë diskutim morën pjesë qytetarë nga komunitete të ndryshme, të cilët treguan angazhim të lartë duke ndarë përvojat e tyre personale dhe sfidat me të cilat përballen në jetën e tyre të përditshme. Diskutimi u shndërrua në një platformë ndërvepruese dhe reflektuese, ku u trajtuan nevojat e komunitetit dhe mënyrat se si individët përballen me këto ideologji antigjinore. Pjesëmarrësit ndanë histori personale që ilustrojnë ndikimin e këtyre tregimeve në identitetin dhe mirëqenien e tyre, si dhe në marrëdhëniet midis grupeve të ndryshme shoqërore.
Diskutimi ishte i pasur me pyetje dhe diskutime, duke nxitur një shkëmbim pikëpamjesh që nxorën në pah rëndësinë e solidaritetit dhe mobilizimit kolektiv për të luftuar kundër ideologjive diskriminuese.
Ky diskutim, i udhëhequr nga Adelina Hasani, jo vetëm ngriti vetëdijen për këto çështje, por krijoi hapësirë për dialog dhe reflektim të ndërsjellë mes pjesëmarrësve. Ky diskutim publik mbështetet përmes programit Matra të Ambasadës së Mbretërisë së Holandës në Kosovë.
